 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Страхалюднае чучала
У суцэльна-бліскучых пагонах
Патрабуе рашучага
Павароту ў карысьць палігонаў;
У карысьць тэрмаядзерных
Установак і боегаловак –
Паўтырканых і складзеных
У палескіх барах і дубровах;
У карысьць настальгічнага,
Незабыўнага "сьветлага раю"
І на зьдзек зь безаблічнага,
З анемічна-бязмоўнага краю...
Страхалюдзіна-чучала
Ад нянавісьці лопнуць гатова –
Ад злабы да жывучага,
Да пявучага нашага слова.
Толькі гэтым і дыхае,
Толькі лютасьцю чорнай клякоча.
З праімпэрскаю пыхаю
Нізавошта расстацца ня хоча.
І зямелюхну наскую
Успрымаць без пачварнай натугі
Можа толькі пад назваю
Беларускай Ваеннай Акругі.
1997, чэрвень.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
